მარსელო ვიეირა გამარჯვებით გახარებულია, თუმცა გამოუყენებელი მომენტების გამო უკმაყოფილებას ვერ მალავს...

"რამდენიმე სახიფათო მომენტი მქონდა, როდესაც გოლის გატანა შემეძლო, თუმცა ერთხელ ძელმა იხსნა ბურთი დანარჩენ შემთხვევებში კი მეტოქის მეკარე მოწოდების სიმაღლეზე იდგა."

"ამ შემთხვევაში პირად რეზულტატზე საუბარი უადგილოა, რადგან გუნდმა 3 ქულა მოიპოვა და მეტოქეს 4 უპასუხო გოლი გაუტანა, მთავარი სწორედ ეს გახლავთ."

"შესაძლოა ფორმის პიკში ვართ, რადგან ზედიზედ მე-11 შეხვედრა მოვიგეთ, თანაც ამ პაექრობებს შორის იყო "ელ კლასიკო" და ვიზიტი "ენფილდზე", მაგრამ შედეგით დაკმაყოფილება და გაჩერება დამღუპველი იქნება. კარლო ანჩელოტი დიდი მოტივატორია, რომელიც კლუბს ყოველთვის წინსვლისკენ მოუწოდებს."

"მთავარ მწვრთნელს ყოველდღე ახალი იდეა აქვს, რომელსაც ჩვენ ვახორციელებთ. "რეალში" დიდი გარდაქმნები მიმდინარეობს და თითოეული ფეხბურთელი ბევრად უფრო დახვეწილი და მობილური ხდება."