მოგეხსენებათ, მადრიდის "რეალი" ლა ლიგის მე-10 ტურის მატჩს, გრანადას წინააღმდეგ გამართავს. დედაქალაქელები სტუმრის რანგში ითამაშებენ...

ყურადღება ერთ მნიშვნელოვან ფაქტორზე უნდა გავამახვილოთ. "გრანადას" ფეხბურთელებს 9 ტურში 29-ჯერ აქვთ მიღებული გაფრთხილება, რაც არც ისე სახარბიელო მაჩვენებელია.

ეს კოლექტივი წლეულს ერთ-ერთ ყველაზე უხეშ გუნდად ითვლება ესპანეთის პრიმერა დივიზიონში, აქედან გამომდინარე კარლო ანჩელოტის ფეხბურთელებს ფრთხილად ასპარეზობა მოუწევთ, რათა დაზიანებები აირიდონ.

რაც შეეხება წითელ ბარათებს, ამ გრაფაში მეტოქეს 0 უწერია.

ამასთანავე ყურადღების გამახვილება გატანილი გოლების რაოდენობაზეც შეიძლება. გრანადელებმა ამ სეზონში მხოლოდ 6-ჯერ მოახერხეს მეტოქის ბადის შერხევა, თუმცა 2 გამარჯვებასა და 3 ფრეს მაინც გამოჰკრეს ხელი.

რაც შეეხება მადრიდის "რეალს", ყვითელი ბარათების მიხედვით სამეფო კლუბს არავითარი პრობლემა არ აქვს. დედაქალაქელებმა 9 მატჩში 14-ჯერ მიიღეს გაფრთხილება, რაც თითო მატჩში საშუალო 1.5 ყვითელ ბარათს უტოლდება.