არბელოასა და მარსელოსთვის, "კორნელასთან" გამარჯვება საიუბილეო აღმოჩნდა.

ბრაზილიელმა 2007 წლიდან 248 მატჩში მიიღო მონაწილეობა. აქედან 148 შეხვედრა ლა-ლიგაში ჩაატარა, 33 ჩემპიონთა ლიგაზე,17 სამეფო თასზე, ერთი ევროპის სუპერ თასზე, ხოლო დანარჩენი ესპანეთის სუპერ თასზე. ასევე"კორნელიასთან" შეხვედრაში , მან თავისი მეოცე გოლი გაიტანა "თეთრების" შემადგენლობაში.

მიმდინარე შემადგებლობიდან, ყველაზე მეტი გამარჯვება მარსელოს აქვს მოპოვებული, მას მხოლოდ ორი ფეხბურთელი უსწრებს, კასილასი და რამოსი.

განაპირა მცველმა ამ დროის განმავლობაში მოახერხა 1 ჩემპიონთა ლიგის, 1 ევროპის სუპერ თასის, 3 ლა-ლიგის, 1 ესპანეთის სუპერ თასის და 2 სამეფო თასის მოგება.

რაც შეეხება არბელოას, მარჯვენა მცველმა ჩატარებული მატჩების 73 % მოგება მოახერხა. მას ამ მიღწევისთვის 204 პაექრობის ჩატარება დასჭირდა. ესპანელმა "რეალში" 6 ტიტულის მოგება მოახერხა.

150 გამარჯვებიდან, ალვარომ 104 ლა-ლიგაში დააგროვა, 25 ჩემმპიონთა ლიგაში, 20 კოპა დელ რეიზე და ერთის ესპანეთის სუპერ თასზე. ამ სეზონში უკანახაზელმა 10 ჩატარებული დაპირისპირებიდან 8-ში გამარჯვება მოიპოვა.