ხამეს როდრიგესის წარმოუდგენელი შედეგი.

მას შემდეგ, რაც როდრიგესი სამეფო კლუბში გადმოვიდა, მან 10 მადრიდულ გოლში მიიღო მონაწილეობა. გაიტანა ოთხი ბურთი, ხოლო ექვსჯერ საგოლე გადაცემა თანაგუნდელებს გაუკეთა.

კოლუმბიელ ფეხბურთელს მხოლოდ კრიშტიანო რონალდო (16 გოლი და ორი საგოლე გადაცემა) და კარიმ ბენზემა (რვა გოლი და ოთხი საგოლე გადაცემა) სჯობნიან. ხამეს როდრიგესს გაუჩნდა რეალური შანსი დაჩრდილოს უელსელი ვარსკვლავი, გარეთ ბეილი.

კოლუმბიელმა ფეხბურთელმა მერენგების შემადგენლობაში ანხელ დი მარია ჩაანაცვლა, რის გამოც მან ძალიან დიდი პასუხისმგებლობა აიღო საკუთარ თავზე, რადგან გასულ სეზონში ანხელი ნამდვილ ლიდერად მოგვევლინა და მისი ფუნქციების შესრულება ძალიან რთული უნდა ყოფილიყო, თუმცა ხამესმა ეს შეძლო.

Marca.com