ფრანგმა გოლეადორმა "ბარსელონასთან" გამარჯვებაში საკუთარი წვლილი შეიტანა და უკვე ზედიზედ ოთხ პაექრობაში ახერხებს თავის გამოჩენას.

ოქტომრბის თვე საკმაოდ წარმატებული გამოდგა კარიმისათვის, რამეთუ წინახაზელმა 6 გოლს მოუყარა თავი.მან "ლუდოგორეცის," "ატლეტიკის," "ლივერპულისა" და "ბარსას" წინააღმდეგ შეძლო მეკარეების დამწუხრება.თუ მომდევნო დაპირისპირებაშიც მოახერხებს შედეგიანი დარტყმის განხორციელებას, პირად რეკორდსაც გააუმჯობესებს (როგორც მიმდინარე სეზონში, ასევე 2011 წელს, მიჯრით ოთხ შეხვედრაში გაიტანა და ჯერჯერობით, ეს არის მისი საუკეთესო მაჩვენებელი).

საერთო ჯამში, ბენზემა 8 გოლს მოითვლის წლეულს.

RealMadrid.Com