მადრიდის "რეალის" ინსტიტუციონალური ურთიერთობების დირექტორმა, ემილიო ბუტრაგენიომ "ელ კლასიკოს" მოგების შემდეგ პრეს-კონფერენცია გამართა და საკმაოდ საინტერესო დეტალებზე გაამახვილა ყურადღება...

ანალიზი

"დიდებული შეხვედრა ჩავატარეთ. მიუხედავად იმისა, რომ პაექრობის საწყის წუთებში 0-1 ვაგებდით, ბრძოლისუნარიანობა და თავდადება გამოვიჩინეთ და შეხვედრის ბედი ჩვენს სასარგებლოდ გადავწყვიტეთ. პირველ ნახევარში გარკვეული ხარვეზები გვქონდა, თუმცა მთავარი იყო იყო, რომ წონასწორობა აღვადგინეთ. მეტად რთული კვირა გახლდათ. "ენფილდზე" ვიზიტიდან 3 დღეში "ელ კლასიკოს" გამართვა იოლი როდია, აქედან გამომდინარე ხედს ვიხრი ფეხბურთელებისა და მთავარი მწვრთნელის წინაშე, მათ დიდი შრომა გასწიეს."

შედეგი

"მადრიდის "რეალს" ძალიან სოლიდური ნახევარდაცვა ჰყავს, რომელმაც ამ მატჩის ბედი გადაწყვიტა. შესანიშნავმა კომბინაციებმა საბოლოო წარმატებამდე მიგვიყვანა. არ შემიძლია არ აღვნიშნო ტონი კროოსის დიდებული ასპარეზობა, ის მუდმივად ზუსტი და თავდაჯერებულია. გერმანელი ფეხბურთელი რამდენიმე თვეა "ბლანკოსის" ღირსებას იცავს, თუმცა ისეთ შთაბეჭდილებას ტოვებს, თითქოს აქაური აკადემიის აღზრდილი იყო და სამეფო კლუბის ფიოლოსოფია სრულად ესმოდეს. ისკო იდეალური ფეხბურთელია, რომელსაც საკუთარი სტილი და ინტელექტი აქვს. ალარკონი შესანიშნავად მოერგო საკუთარ ახალ როლს. ანჩელოტიმ ესპანელისგან მრავალფუნციონალური შეგირდი ჩამოაყალიბა. დიდ მადლობას ვუხდი ლუკა მოდრიჩსა და ხამეს როდრიგესი, ისინი ძალიან ეფექტურები იყვნენ. კოლუმბიელმა კარიმ ბენზემას საგოლე გადაცემა გაუკეთა."

კასილასი

"კაპიტანი ძალიან მოტივირებული იყო და რამდენიმე სერიოზული დარტყმის მოგერიებაც მოახერხა. იკერი მოწოდების სიმაღლეზე იდგა და საკუთარ მუხტს მთელ გუნდზე ანაწილებდა."

ანჩელოტისა და ენრიკეს ბრძოლა

"შედარებების გაკეთება არ მიყვარს. იმის თქმა შემიძლია, რომ კარლო ანჩელოტის სახით სამეფო კლუბს ძალიან ჭკვიანი და განსწავლული მწვრთნელი ჰყავს. ცუდი სტარტის შემდეგ მას დიდი კრიტიკა დაატყდა თავს, თუმცა დღეს ჩვენ აბსოლუტურად სახეცვლილ და დამაჯერებელ "რეალს" ვხედავთ, რაც სწორედ იტალიელის დამსახურება გახლავთ."

საშიში ბარსელონა

"კატალონიელებს უდიდეს პატივს ვცემთ, ისინი დიდ საშიშროებას წარმოადგენენ როგორც "რეალისთვის", ასევე ნებისმიერი ევროპული გუნდისთვის. "ბლაუგრანა" ევროპის ერთ-ერთი საუკეთესო გუნდია."