კრიშტიანო რონალდო ენფილდზე რეკორდის დამყარებას გეგმავს.

როგორც მოგეხსენებათ, პორტუგალიელი სუპერ ვარსკვლავი ახლოს არის ლეგენდარული რაულ გონსალეს ბლანკოს რეკორდთან, რომელსაც ჩემპიონთა ლიგაზე 71 გოლი აქვს გატანილი, რონალდოს კი ორით ნაკლები (69).

აღსანიშნავია, რომ ამ გათამაშებაში კრიშტიანომ მადრიდის "რეალის" მაისურით 53 შეხვედრაში 54 გოლის გატანა შეძლო. დანარჩენი 15 ბურთი კი "მანჩესტერში" ასპარეზობის დროს მიითვალა 52 მატჩში.

დღეს პორტუგალიელი სუპერ ვარსკვლავი ენფილდზე "ლივერპულის" წინააღმდეგ დიდი შემართებით გამოვა, რადგან ამ სტადიონზე CR7-ს გოლი ჯერ არ აქვს გატანილი. სწორედ ამიტომ რონი მინიმუმ ორი ბურთის შეგდებას გეგმავს მეტოქის კარში, რათა რეკორდი დაამყაროს და ენფილდმა მისი სახელი სამუდამოდ დაიმახსოვროს.

Marca.com