კარლო ანჩელოტისთან ერთად პრეს-კონფერენცია ალვარო არბელოამაც გამართა...

"ვგონებ, ატმოსფერო საოცარი იქნება, რადგან "ენფილდი" ლეგენდარული სტადიონია. "ლივერპულის" ფეხბურთელი ვიყავი და ვიცი თუ რამხელა მნიშვნელობა აქვს გულშემატკივართა მხარდაჭერას ამ გუნდისთვის. "მერსისაიდელები" რაოდენობრივად უფრო მეტნი იქნებიან ვიდრე ჩვენ, რადგან მათ ყველაზე აქტიური ფან-კლუბი დაუჭერს მხარს."

"დარწმუნებული ვარ მტრული გარემო არ იქნება და გულშემატკივარი ნამდვილ საფეხბურთო ზეიმს იხილავთ. "ენფილდზე" 5 წლის შემდეგ ვბრუნდები, თუმცა ემოციები და გრძნობები იგივე გახლავთ, აქ არაფერია შეცვლილი."

"კრიშტიანომ მითხრა, რომ მანჩესტერში ასპარეზობის დროს ყველაზე უხერხული მეტოქე სწორედ "ლივერპული" იყო, რადგან ეს გუნდი განსაკუთრებით გრანდების წინააღმდეგ დიდი მოტივაციით თამაშობს."

"2009 წლის გახსენება არ ღირს, რადგან მას შემდეგ ბევრი რამ შეიცვალა როგორც "რეალში", ასევე "ლივერპულში". მაშინდელი გუნდიდან წითლებს ლუკას ლეივა, სტივენ ჯერარდი და შკრტელი შემორჩნენ. იგივეს თქმა შეიძლება "ბლანკოსზე", ბოლო წლებში სამეფო კლუბმა არნახული პროგრესი აჩვენა როგორც ტიტულების მოგების, ასევე შემადგენლობის გაძლიერების მხრივ."

"ბედნიერი ვარ, რომ "ენფილდზე" კვლავაც დავდგამ ფეხს, ეს ჩემთვის უმნიშვნელოვანესი ფაქტორი იქნება."

"კრიშტიანო რონალდუ ფანტასტიური ფეხბურთელია და ეს მან არაერთხელ დაამტკიცა. მადრიდის "რეალის" თითოეულ ფეხბურთელს უხარია პორტუგალიელთან ერთად ვარჯიში და ტიტულებისთვის ბრძოლა. შვიდიანი მუდმივად იბრძვის და ბევრს შრომობს იმისათვის, რომ საუკეთესო იყოს."

"ენფილდი განსაკუთრებული სტადიონია. ვისაც ფეხბურთი უყვარს, ერთხელ მაინც უნდა მოხვდეს ამ სიტუაციაში და ის გრძნობები განიცადოს, რომელიც აქ იფრქვევა. ამ სტადიონზე არაერთი საფეხბურთო ზეიმი გამართულა. ფეხბურთელებსა და გულშემატკივრებს შორის სრული ჰარმონია სუფევს."

"ვიცით, რომ თამაში იოლი არ იქნება, მაგრამ ინგლისში 3 ქულის მოსაპოვებად ჩამოვედით. წინააღმდეგობა დიდი იქნება, თუმცა "რეალი" მხოლოდ გამარჯვების შემთხვევაში დაკმაყოფილდება."

"ხამეს როდრიგესმა ადაპტაცია სრულად გაიარა და კოლექტიური თვალსაზრისით შესანიშნავად თამაშობს. ამასთან ერთად კოლუმბიელმა ინდივიდუალური მაჩვენებლების გამოასწორა, ის ძალიან ეფექტური გახლავთ. იგივეს თქმა შეიძლება მექსიკელ ჩიჩარიტოზე, რომელსაც აქტივში უკვე 3 გოლი აქვს ჩაწერილი. მიუხედავად იმისა, რომ ხავიერი სასტარტოს მოთამაშედ არ განიხილება, ყველა ვხედავთ, რომ დიდ პერსპექტივას ფლობს და სამეფო კლუბისთვის საჭირო ფეხბურთელია."