მადრიდის "რეალის" ფეხბურთელები სასტუმროში არიან და ემზადებიან 2009 წლის ბოლო მატჩისთვის.

დღეს "რეალი" "სანტიაგო ბერნაბეუზე" 2009 წლის ბოლო მატჩს გამართავს "სარაგოსას" წინააღმდეგ. შეხვედრა თბილისის დროით 01:00 საათზე გაიმართება. მანუელ პელეგრინი შეგირდებთან ერთად თბილ ტანსაცმელში ჩაცმულები გაემართნენ სასტუმროსკენ, რათა მოემზადონ დღევანდელი მატჩისთვის. ისინი სასტუმროში ივახშმებენ, დაისვენებენ და იფიქრებენ "სარაგოსასთან" მოგებაზე.

22 დეკემბერს, სამშაბათს "ბერნაბეუზე" გაიმართება საქველმოქმედო მატჩი. თუმცა დავუბრუნდეთ დღევანდელ მატჩს. დღის სიახლე გახდა რაულ ალბიოლის და მეცელდერის დაბრუნება ტრავმების შემდეგ. ფეხბურთელები ყველაფერს აკეთებენ, რათა წლის ბოლო მატჩი მოიგონ და გულშემატკივრები გაახარონ.

ასევე აღსანიშნავია კრისტიანო რონალდოს დაბრუნება, რომელმაც "ვალენსიასთან" მატჩი გამოტოვა დისკვალიფიკაციის გამო. თუმცა გუშინ ავტობუსში არ იყვნენ ტრავმირებულები გუტი, კაკა, ვან ნისტელროი, პეპე. ასევე დისკვალიფიცირებული ხაბი ალონსო.

20:30 წუთზე, როცა ფეხბურთელები ავტობუსში სხდებოდნენ, ხუმრობოთა და სიცილით იყვნენ აღსავსენი. გუნდი თავდაჯერებულია და "სარაგოსასთან" მოგებას გეგმავს.


ინფორმაციის წყარო: Realmadrid.com