კარლო ანჩელოტის ფორმაციის "რეალში" ამ სეზონში ყველაზე მეტი პაექრობა სერხიო რამოსმა, გარეთ ბეილმა, ხამეს როდრიგესმა და ტონი კროოსმა ჩაატარეს...

ხსენებულმა ფეხბურთელებმა უკვე 12 პაექრობაში მიიღეს მონაწილეობა, როგორც ჩემპიონთა ლიგის, ასევე ლა ლიგის, ევროპისა და ესპანეთის სუპერთასის პაექრობებში.

აღსანიშნავია, რომ უელსელ ფეხბურთელს 90 წუთიანი მაჩვენებელი 10 დაპირისპირებაში აქვს. სერხიო რამოსი 3-ჯერ იქნა შეცვლილი, ერთხელ კი ამის მიზეზი დაზიანება გახლდათ, რომლის გამოც იგი ამჟამადაც არ იმყოფება ესპანეთის ეროვნულ ნაკრებთან ერთად.

ხამესი და კროოსი

რაც არ უნდა გასაკვირი იყო, კოლუმბიურ-გერმანული დუეტი ანჩელოტის ნდობას ყოველ პაექრობაში იღებს. ხამესმა 3 ტურნირზე უკვე მოახერხა გოლის გატანა. ჩემპიონთა ლიგის პაექრობა როგორც როდრიგესმა, ასევე ტონიმ გამოტოვა, რადგან ბულგარეთში მათი დახმარების საჭიროება ნამდვილად არ არსებოდა, მითუმეტეს მოწოდების სიმაღლეზე იდგა ისკო ალარკონი, რომელმაც საკმაოდ აქტიურად ჩაატარა მატჩი.

გასაკვირია, რომ კრიშტიანო რონალდუს ოთხეულზე კარგი მაჩვენებელი არ აქვს, თუმცა ამის მიზეზი ყველას კარგად მოეხსნება, რადგან პორტუგალიელს რამდენიმე შეხვედრის გამოტოვება დაზიანების გამო მოუწია, რომელიც უკვე აღმოფხვრულია.