მადრიდის "რეალის" მთავარ მწვრთნელს, კარლო ანჩელოტის წამყვანი ფეხბურთელების გარეშე უწევს სავარჯიშო სესიების გამართვა. იტალიელ სპეციალისტს ერთბაშად 14 ფეხბურთელი გამოაკლდა. განსაკუთრებით აღსანიშნავია კეილორ ნავასისა და ჩიჩარიტო ერნანდესის მდგომარეობა, პირველმა მათგანმა 21 900 კილომეტრი უნდა იფრინოს, ხოლო მეორემ 18 000, რაც თავისთავად მოქმედებს სპორტსმენებზე.

სამწვრთნელო შტაბში იმედოვნებენ, რომ ფიფას "ვირუსის" მსხვერპლი არავინ გახდება და მნიშვნელოვანი ეტაპის წინ ფეხბურთელები კლუბს ჯანმრთელ მდგომარეობაში დაუბრუნდებიან, ვინაიდან "ბლანკოსს" მეტად დაძაბული პაექრობების გამართვა მოუწევს. ესპანელებს ჯერ "ლივერპულის", შემდეგ კი "ბარსელონას" ბარიერი ექნებათ გადასალახი.

პორტუგალია : კრიშტიანო, პეპე (კოენტრაუ ტრავმირებულია)

საფრანგეთი : ბენზემა, ვარანი

ესპანეთი : კასილასი, კარვახალი (რამოსი ტრავმირებულია)

ესპანეთის ახალგაზრდული : ისკო, პაჩეკო

მექსიკა : ჩიჩარიტო

ხორვატია : მოდრიჩი

უელსი : ბეილი

გერმანია : ტონი კროოსი (ხედირა ტრავმირებულია)

კოლუმბია : ხამეს როდრიგესი

კოსტა-რიკა : კეილორ ნავასი