"ლიონის" პრეზიდენტმა ჟან–მიშელ ოლამ ისაუბრა ჩემპიონთა ლიგის კენჭისყრაზე.

"ვერ ვიტყვი, რომ კმაყოფილი ვარ კენჭისყრის შედეგებით. უდიდესი სიამაყეა დაუპირისპირდე ისეთ გუნდს, როგორიც მადრიდის "რეალია". მეტოქე ძალიან მოტივირებული იქნება".

"ჩვენ გვქონდა სიამოვნება ჩემპიონთა ლიგაზე ოთხჯერ გვეთამასა მადრიდელთა წინააღმდეგ. არცერთი მატჩი მათთან არ წაგვიგია" – აცხადებს ოლა.

"მადრიდელებს შესანიშნავი შემადგენლობა ჰყავთ. რა თქმა უნდა ისინი ფავორიტები არიან, მაგრამ შეგვიძლია 1/4 ფინალში ვითამაშოთ".

"თუმცა არის კარგი მომენტებიც. ჩვენ არ დავუპირისპირდით "ბარსელონას". ცუდი მოგონებები გვაკავშირებს კატალონიელებთან. ასევე მეტოქედ არ გვერგო "ჩელსი". მათ წინააღმდეგაც რთული იქნებოდა თამაში".

ასევე ოლამ ისაუბრა ქარიმ ბენზემაზეც. შეგახსენებთ, რომ ბენზემა "ლიონის" აღზრდილია.

"მინდა ქარიმს მივულოცო დამდეგი დაბადების დღე (ქარიმს ხვალ 22 წელი უსრულდება). შესაძლოა ხვალ დავესწრო "რეალის" თამაშს "სარაგოსას" წინააღმდეგ".

"ვიმედოვნებ, ღირსეულ წინააღმდეგობას გავუწევთ მადრიდელებს".


ინფორმაციის წყარო: Goal.com