მოგეხსენებათ, მანჩესტერ "იუნაიტედში" დიდი გარდაქმნები მიმდინარეობს, ახალმა მწვრთნელმა, ლუის ვან გაალმა არაერთი უმააღლესი დონის ფეხბურთელი შეიძინა და ასტრონომიული თანხაც გაიღო...

ბრიტანული Daily Star-ის ინფორმაციით, ჰოლანდიელი სპეციალისტი "უტდ"-ს ხელმძღვანელობას შეხვდა და გარეთ ბეილის შეძენა მოსთხოვა, რადგან თვლის, რომ ანხელ დი მარიასთან ერთად გარეთ ბეილი ბრწყინვალე დუეტს შექმნის, თანაც მათ ერთად თამაშის გამოცდილება უკვე აქვს მიღებული.

"მანჩესტერის" მთავარი სამიზნე კრიშტიანო რონალდუ გახლავთ, თუმცა უამრავი დაბრკოლება არსებობს, თუმცა ყველაზე დიდი პრობლემა მაინც ხელფასი გახლავთ. პორტუგალიელთან დაკავშირებით არარეალურ თანხებზე იყო საუბარი.

გარეთ ბეილი წლევანდელ სეზონში არც ისე ეფექტურად თამაშობს, აქედან გამომდინარე ინგლისელები ფიქრობენ, რომ სარფიანი შეთავაზების შემთხვევაში ფლორენტინო პერესი უელსელ მოთამაშეს შეელევა.

ჯერ-ჯერობით უცნობია თუ რა თანხაზე იქნება ლაპარაკი, თუმცა შესაძლოა "იუნაიტედელებმა" დედაქალაქელებს იანვარშივე მიმართონ.