კრიშტიანო რონალდუ არის კლუბის ისტორიაში პირველი ფეხბურთელი, რომელმაც პირველ ექვს ტურში 10 გოლის გატანა მოახერხა.

პორტუგალიელი სუპერვარსკვლავი მატჩიდან მატჩამდე აგრძელებს რეკორდების დამყარებას. ამჟამად მის ანგარიშზე ლა ლიგაში 10 გატანილი ბურთია. რონიმ მოახერხა დისტეფანოს და ამანსიოს მაჩვენებლის გაუმჯობესება. მათ ესპანეთის ჩემპიონატის პირველ ექვს ტურში ცხრაჯერ მოახერხეს მეტოქის კარის აღება. ეს იყო 1958/59 და 1968/69 წლების სეზონში.

მიუხედავად იმისა, რომ კრიშტიანომ "სოსიედადთან" მატჩი გამოტოვა, მან მაინც მოახერხა ხუთ შეხვედრაში ათი გოლის გატანა და ამჟამად ლა ლიგის ბომბარდირთა დავას ლიდერობს.