დროის საკითხია თუ როდის დაამხობენ კრიშტიანო რონალდო და ლიონელ მესი რაულის რეკორდს (71 გოლი ჩემპიონთა ლიგაზე). პორტუგალიელი და არგენტინელი დიდი სიჩქარით მიექანებიან ლეგენდარული ესპანელი ფეხბურთელის შედეგის გასაუმჯობესებლად.

რონალდოს 3 გოლი აკლია შედეგის გასამეორებლად, მესის კი 4. კრიშტიანომ მესის გასულ ტურში გაასწრო, როდესაც ბაზელის კარში მოახერხა გოლის გატანა. ახლა მის ამოცანას ლიდერობის შენარჩუნება წარმოადგენს.

რაც შეეხება სტატისტიკას, რაულს 71 გოლის გასატანად 142 მატჩის გამართვა დასჭირდა, რონალდომ 68 გოლს 104 თამაშში მოუყარა თავი, ხოლო მესიმ კიდევ უფრო კარგი შედეგი დააფიქსირა, არგენტინელის ანგარიშზე 88 მატჩში 67 გოლია.