მწვრთნელების თქმით, ტიტულებისათვის ბრძოლა გადამწყვეტ ფაზაში შედის მარტის თვიდან, თუმცა უამრავი შემთხვევაი ყოფილა, როდესაც გაცილებით ადრე დაუკარგავთ გუნდებს ყოველგვარი შანსი ოქროს მედლებისკენ მიმავალ გზაზე.

მადრიდელი ფეხბურთელებისათვის, სეზონის განმავლობაში ერთ-ერთი მნიშვნელოვანი, მომთხოვნი და რთული თვე იწყება.სანაკრებო ბატალიების გამოკლებით, ანჩელოტის შეგირდებს ზედიზედ მოუწევთ თამაშების ჩატარება ორ დიდ ტურნირზე.

„რეალი“ „ლუდოგორეცთან“ პაექრობით ხსნის „წითელ ოქტომბერს,“ რასაც 4 დღეში, „სანტიაგო ბერნაბეუზე,“ „ატლეტიკ ბილბაოსთან“ დაპირისპირება მოჰყვება.შემდეგ სანაკრებო პაუზა გაბატონდება საფეხბურთო სამყაროში, ხოლო უკვე 18 ოქტომბერს, მადრიდელები ვალენსიას ესტუმრებიან, სადაც „ლევანტესთან“ მოუწევთ 3 ქულის აღება.

აღნიშნული უიქენდის შემდეგ, „ბლანკოსი“ რევანშის ასაღებად ჩავა ლივერპულში (22 ოქტომბერს) და 3 დღის შემდეგ, არც მეტი არც ნაკლები, „ბარსელონას“ მიიღებს საკუთარ კედლებში.

29 ოქტომბერს, „თეთრები“ „კოპა დელ რეის“ 1/16 ფინალში ჩაერთვებიან, ხოლო 1-ელ ნოემბერს, „გრანადას“ ესტუმრებიან.

MARCA