ბრიტანულ საინფორმაციო წყაროებზე დაყრდნობით, მადრიდის "რეალის" მთავარი მწვრთნელი, კარლო ანჩელოტი უკვე ძალიან სერიოზულად ფიქრობს "ლივერპულის" ახალგაზრდა ფეხბურთელის, სტერლინგის დამატებაზე...

"ბლანკოსის" თავკაცის აზრით, ახალგაზრდა მერსისაიდელი იდეალურად შეცვლის ანხელ დი მარიას და სრულად მოერგება მადრიდული გიგანტის სათამაშო სტილს.

Daily Mirror-ის ინფორმაციით "ლივერპულის" ხელმძღვანელობა ახალგაზრდა შეგირდთან მოლაპარაკებებს ახალ კონტრაქტზე მართავს, რადგან ბრენდან როდჯერსს მისი შენარჩუნება სურს, თუმცა მხარეები სახელფასო მხარეზე ვერ თანხმდებიან, დედაქალაქელებს კი სწორედ ამ სიტუაციის გამოყენება სურთ.

იმ შემთხვევაში თუ "რეალი" მოთამაშეს თანხის უკეთეს ოდენობას შესთავაზებს, ტრანსფერის გაჩარხვის შანსი დიდი იქნება, რადგან "ბლანკოსში" თამაში დიდი გამოწვევა და ყველა ფეხბურთელის ოცნებაა, თანაც მაშინ, როდესაც უფრო კარგ პირობებს გთავაზობენ.

დაველოდოთ მოვლენათა განვითარებას.