ასიერ ილარამენდიმ მატჩის დასრულების შემდეგ კომენტრაი გააკეთა.

"დიდხნიანი პაუზის შემდეგ ისევ გამოვედი მინდორზე და ვთვლი, რომ ძალიან კარგი შეხვედრა ჩავატარე. ასეთი მატჩები უთამაშებელი ფეხბურთელებისთვის ძალიან მნიშვნელოვანია. ახლა დავრწმუნდი, რომ ფორმიდან არ ამოვვარდნილვარ და ძირითადი შემადგენლობისთვის ბრძოლა შემიძლია."

"თავდაუზოგავად ვშრომობთ, რათა საუკეთესო ფიზიკურ კონდიციებში ვიყოთ. ჩემი აზრით, გამარჯვებების რიტმი უკვე დავიჭირეთ და ასე უნდა გავაგრძელოთ. ჩემთვის გოლის გატანა ძალიან რთულია, რადგან მე სხვა დავალება მეკისრება, რომელსაც დღეს თავი კარგად გავართვი."

"რაც შეეხება კრიშტიანო რონალდოს, იგი უმაღლესი დონის ფეხბურთელია. რონი მსოფლიოში საუკეთესოა და მან დღეს ეს ოთხი გატანილი გოლით დაამტკიცა. იგი გუნდისთვის უმნიშვნელოვანესი ფიგურაა."

"შემდეგი მატჩი "ვილიარეალის" წინააღმდეგ გვაქვს. შარშან "ყვითელი წყალქვეშა ნავის" წინააღმდეგ თამაში გაგვიჭირდა, თუმცა წელს აუცილებლად უნდა გავიმარჯვოთ და ამისთვის თავდაუზოგავად მოვემზადებით."

Realmadrid.com