"მადრიდის რეალი" შოკისმომგვრელ შეთანხმებას ამზადებს

"მადრიდის რეალი" ახლოსაა ყველაზე დრამატულ ეკონომიკურ გარიგებასთან ფეხბურთის ისტორიაში. ციფრები მართლაც გასაოცარია: საერთო ჯამში მიახლოებით 450-დან 500 მლნ. ევრომდე შევა კლუბის ბიუჯეტში მომდევნო 20 წლის მანძილზე, საშუალოდ 2034 წლამდე კლუბი დამატებით 25 მლნ. ევროს მიიღებს ყოველწლიურად.

შეთანხმება ეხება სტადიონის სპონსორობას. "სანტიაგო ბერნაბეუს" დამატებით ჩაემატება ახალი სახელი. "მადრიდის რეალი" დიდი ხნის მანძილზე მუშაობდა სტადიონის სახელის ცვლილებაზე და როგორც ჩანს, ყველაფერი დასასრულს უახლოვდება. კლუბს უკვე მიღწეული აქვს შეთანხმება საინვესტიციო ფონდ IPIC-თან (International Petroleum Investment Company), რომლის 100%-საც აბუ დაბის ემირატები ფლობს და რომელსაც სამეფო ოჯახი მართავს.

შეთანხმება IPIC-თან გაფორმდება, მაგრამ კომპანია, რომელიც "მადრიდის რეალის" სტადიონის სახელის ცვლილებაზე იმშავებს სხვა იქნება. Abu Dabi Santiago Bernabéu, Abu Dabi Bernabéu... ჯერჯერობით მაინც უცნობია, როგორი იქნება სტადიონის ზუსტი დასახელება, მაგრამ დასახელებაში აუცილებლად იქნება აბუ დაბი. შესაძლებელია, რომ სპონსორობა გასწიოს CEPSA, რომელსაც ასევე კომპანია IPIC-ი ფლობს. აღასანიშნავია, რომ რამოდენიმე დღის წინ "მადრიდის რეალმა" და აბუ დაბის ნაციონალურმა ბანკმა ასევე გააფორმეს სასპონსორო შეთანხმება.

წყარო: MARCA