მადრიდის "რეალის" მთავარ მწვრთნელს, კარლო ანჩელოტის ლაკორუნიაში არც ისე კარგი შედეგები აქვს...

განსაკუთრებით აღსანიშნავია 2004 წლის ჩემპიონთა ლიგის "ფლეი-ოფი", სადაც იტალიელი სპეციალისტის "მილანმა" ხავიერ ირურიეტას "დეპორისგან" ქვა ქვაზე არ დატოვა და 4-1 დაამარცხა. ყველას ეგონა, რომ "როსონერი" მომდევნო ეტაპზე უპრობლემოდ გავიდოდა, თუმცა ესპანელებმა სტუმრებს ნამდვილი კოშმარი მოუწყვეს და 4-ჯერ აიღეს "შავ-წითლების" კარი.

კარლიტოს 2004 წლამდე 2000 წელსაც ჰქონდა ვიზიტი "რიასორზე", როდესაც იუვენტუსს მოძღვრავდა, მაშინ იტალიელმა 1-1 ფრე დაასრულებინა საკუთარ გუნდს მატჩი.

შარშან იტალიელი სპეციალისტი "რეალს" ჩაუდგა სათავეში, მაგრამ ლაკორუნიელთა სეგუნდაში დაქვეითების გამო "ბლანკოსს" "რიასორზე" ვიზიტი არ მოუწია, აქედან გამომდინარე დებიუტი წელს შედგება.

იმედი ვიქონიოთ, ზედიზედ ორი მატჩის წაგების შემდეგ მადრიდელები უდიდესი მნიშვნელობის 3 ქულას ჩაიწერენ აქტივში და სატურნირო მდგომარეობას გაიუმჯობესებენ.