ხამეს როდრიგესი ნელ-ნალე ფორმაში შედის.

"ბაზელის" წინააღმდეგ მატჩში კოლუმბიელმა ნახევარმცველმა ძალიან კარგი შთაბეჭდილება დატოვა. მან შეძლო გოლის გატანა და მინდორზე საკმაოდ კომფორტულად გამოიყურებოდა. აღსანიშნავია, რომ ბოლო მატჩებში იგი დამაკმაყოფილებლად ასპარეზობს.

ხამეს როდრიგესი სამეფო კლუბის შემადგენლობაში მეორე ადგილზეა მატჩის დროს დაფარული მანძილის მიხედვით (11,283 მეტრი). მას უსწრებს გუნდის კიდევ ერთი ახალწვეული ტონი კროოსი (11,411 მეტრი). აღსანიშნავია ისიც, რომ მადრიდელთა "10"-იანი შავ სამუშაოსაც ასრულებს. კასილასის კარის მისადგომებთან იგი ხშირად შედის ორთაბრძოლაში მეტოქესგან და ცდილობ მეტოქეს ბურთი აართვას, რაც საკმაოდ კარგად გამოსდის.

შეიძლება ითქვას, რომ ხამესი ნელ-ნელა სასურველ ფორმაში შედის. როგორც ჩანს მან ადაპტაცია თითქმის სრულად გაიარა და ახლა ცდილობს სრულიად საფეხბურთო სამყაროს დაუმტკიცოს, რომ მასში 80 მილიონი ევრო ტყუილა არ გადაიხადეს და რომ ის მსოფლიოში ერთ-ერთი საუკეთესო გამთამაშებელია.

Marca.com