2014 წლის 8 აპრილს ასიერ ილარამენდიმ „დორტმუნდის“ წინააღმდეგ იასპარეზა, რასაც წესით გარდამტეხი როლი უნდა ეთამაშა ბასკი ნახევარმცველის მადრიდულ კარიერაში...

ილარამ 49 მატჩიდან 42-ში მიიღო მონაწილეობა. მან გამოტოვა შვიდი შეხვედრა, აქედან მხოლოდ ხუთი ტრავმის გამო. რაც იმაზე მიუთითებს, რომ გასულ სეზონში კარლო ანჩელოტი მას ენდობოდა. მან მინდორზე 2,113 წუთი გაატარა.

იურგენ კლოპის კოლექტივთან დაპირისპირების შემდეგ კი ყველაფერი შეიცვალა. სეზონის დასრულებამდე 1,440 წუთი იყო დარჩენილი და აქედან ასიერმა მხოლოდ 380 დაჰყო მწვანე მინდორზე.

ეს ყველაფერი იმან გამოიწვია, რომ „დორტმუნდთან“ დაპირისპირების დროს ილარას დაშვებული შეცდომის შედეგად გერმანელება წამოიწყეს კონტრ-იერიში, რის შედეგადაც მადრიდელება გოლი გაუშვეს.

დღეს-დღეისობით 24 წლის ბასკმა ნახევარმცველმა კარლო ანჩელოტის ნდობა სრულად დაკარგა და მას მინდორზე გამოსვლის შანსი პრაქტიკულად აღარ ეძლევა.

სამი ხედირას არყოფნაში დიდი შანსია იმისა, რომ ახალგაზრდა ნახევარმცველს კვლავაც მიეცეს შანსი, რომელიც სავარაუდოდ საბოლოო იქნება, აქედან გამომდინარე მას დიდი ყურადღება და მობილიზება მართებს.