კანისარესი : "რეალში არც ისე დიდი პრობლემებია"
ანტონიო კანისარესის განცხადებით, მადრიდის "რეალს" არც ისე დიდი პრობლემები აქვს, რადგან შემადგენლობაში მსოფლიოს საუკეთესო ფეხბურთელები ირიცხებიან...
"ნანდვილად გამიკვირდა კარლოს გუნდის წარუმატებელი სტარტი, რადგან კლუბში მაღალი დონის ფეხბურთელები არიან. სამეფო კლუბში ახალწვეულები ადაპტაციას გადიან, რასაც დრო სჭირდება."
"იტალიელ სპეციალისტს ბრძოლისუნარიანი კლუბი ჰყავს. ჩაბი ალონსოს წასვლამ ყველა გააკვირვა, ტონი კროოსს დიდი სამსახურის გაწევა მოუწევს "ბლანკოსისთვის", რადგან ბასკი უდიდესი ფიგურა იყო."
"იკერ კასილასი საერთოდ არაფერშუაში არ არის, ესპანელი მეკარე საკუთარ საქმეს ბრწყინვალედ ასრულებს და ნამდვილად არ აფუჭებს სიტუაციას."
"გულშემატკივართა სტვენა რაღა თქმა უნდა სამარცხვინო გახლავთ. ლეგენდა უნდა დააფასო და ყოველთვის გახსოვდეს მისი საუკეთესო მომენტები. ესპანეთში ხშირია მსგავსი შემთხვევები. მახსოვს, როდესაც "ბარსელონას" გულშემატკივრებმა გვარდიოლას დაუსტვინეს, რომელმაც ყველა დროის საუკეთესო გუნდი შექმნა."
"კასილასმა დიდ კონკურენციას გაუძლო და დღეს ისევ ძირითად მეკარედ მოგვევლინა, მის მატარებელს ჯერ არ ჩაუვლია."
- 16 სექტემბერი 2014
- 1 495
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
