ფილიპ ლამმა ჩემპიონთა ლიგის მომდევნო სეზონზე ისაუბრა და განაცხადა, რომ გერმანულ გუნდს ძალიან სურს თასის მოგება, თუმცა სერიოზულუ კონკურენტები ჰყავს...

"მადრიდის "რეალს" ძალიან დიდი ფული აქვს, ეს კლუბი ფინანსური თვალსაზრისით მოწინავე პოზიციაზე გახლავთ, აქედან გამომდინარე არც ფეხბურთელების ყიდვა უჭირს."

"ჩემპიონთა ლიგის მოგება განსაკუთრებული გრძნობაა, აქედან გამომდინარე კვლავაც გვსურს თასის აღმართვა. ხოსეპ გვარდიოლას მიზანი სწორედ ევროპის ყველაზე პრესტიჟული და რთულად მოსაგები ტურნირის მოგება გახლავთ, თუმცა ვიცით, რომ თუნდაც "რეალის" სახით უდიდესი კონკურენტი გვყავს. წლევანდელ სეზონს გუნდები ძალიან ძლიერი შემადგენლობებით ხვდებიან."

"ტონი კროოსი უდიდესი ფეხბურთელია, მასთან განშორებამ ნამდვილად დაგვწყვიტა გული, რადგან "ბაიერნში" უდიდეს როლს თამაშობდა, თუმცა მიუნხენურ გიგანტს შესაბამისი რესურსი აქვს და ტონის დაკარგვით გამოწვეული სიცარიელე აღმოფხვრილია."

"ჩაბი ალონსო ესპანეთიდან გადმოვიდა, თუმცა მას ადაპტაცია არ გასჭირვებია და ძალიან კარგად იცის როგორ უნდა ითამაშოს, თანაც მწვრთნელი სწორედ ამ ქვეყნის წარმომადგენელი გახლავთ, აქედან გამომდინარე მათ არ უჭირთ ერთმანეთის გაგება."