მადრიდის "რეალის" გულშემატკივარმა გაშვებული გოლის შემდეგ, "ატლეტიკოს" ფეხბურთელების და ფანების ზეიმს ორიგინალური პასუხი გასცა.

საქმე იმაშია, რომ როდესაც სამეფო კლუბმა მეორე გოლი გაუშვა და "როხი-ბლანკოს" ფეხბურთელები საზეიმოდ იმ ადგილისკენ გაეშურნენ, სადაც "რეალის" გულშემატკივრები ისხდნენ, ერთ-ერთი გულშემატკივარი მათ ორიგინალურად დახვდა.

სხვა ფანებისგან გასხვავებით , მას ლანძღვა-გინება არ დაუწყია. "ორიგინალური გულშემატკივარი" ფეხზე წამოდგა, მოტრიალდა და "ატლეტიკოს" თავისი ზურგი აჩვენა, სადაც ეწერა "Minuto 93", რაც 93-ე წუთს ნიშნავს. ალბათ მიხვდებით, რომ ამით მან ხაზი გაუსვა შარშან ჩემპიონთა ლიგის ფინალში, რამოსის მიერ 93-ე წუთზე გატანილ გოლს და ყველაზე პრესტიჭული ტურნირის მოგებას.