ფრანგული "პარისენჟერმენის" მთავარი მწვრთნელის, ლორან ბლანის განცხადებით, მარკო ვერატისთან კლუბს ყველაფერი გარკვეული აქვს და იტალიელი არსად წასვლას არ აპირებს...

"ნამდვილად ვერ გეტყვით რა მოხდება მომავალში, მაგრამ დარწმუნებით შემიძლია გითხრათ, რომ ვერატის არასდროს უთქვამს "რეალში" გადასვლის სურვილის შესახებ. იტალიელი ნახევარმცველი პარიზში თავს შესანიშნავად გრძნობს, მას კლუბთან მოქმედი კონტრაქტი აკავშირებს, რომლის პუნქტები აბსოლუტურად კომფორტული და მისაღებია."

"არ მახსენდება შემთხვევა, როდესაც მარკოსთან რამე გაუგებრობა დაფიქსირებულა, ის საკუთარ მოვალეობას ბრწყინვალედ ართმევს თავს, საგანგაშო ნამდვილად არაფერი გახლავთ."