დანი კარვახალი დროზე ადრე გამოჯანმრთელებას ცდილობს, რათა ჩემპიონთა ლიგის პირველი მატჩი ჩაატაროს.

ესპანელი ფეხბურთელი კვლავ გრძნობს მცირე დისკომფორტს, თუმცა მედიკოსების აზრით უახლოეს პერიოდში კარვახალს ტკივილი გაუვლის. იგი ითვლება ძირითადი შემადგენლობის უცვლელ მოთამაშედ და მისი არყოფნა კლუბს ძალიან დიდ ძალას დააკლებს.

იმ შემთხვევაში, თუ დანი გამოჯანმრთელებას ვერ მოახერხებს, კარლო ანჩელოტი ახალგაზრდა მარჯვენა მცველს ნაჩოთი, არბელოათი ან ვარანით ჩაანაცვლებს. გადაწყვეტილია, რომ მადრიდელთა 15 ნომერი დერბიში მონაწილეობას ვერ მიიღებს. კარვახალი დანებებას არ აპირებს და თავდაუზოგავად შრომობს იმისთვის, რომ ჩემპიონთა ლიგის პირველი მატჩი ჩაატაროს "ბაზელის" წინააღმდეგ.

შეგახსენებთ, რომ კარვახალმა ტრავმა ესპანეთის ეროვნული ნაკრების ვარჯიშზე მიიღო, რის შემდეგაც მას სამედიცინო შემოწმება ჩაუტარდა. დიაგნოზის დასმის შემდეგ კი ფეხბურთელი მადრიდის "რეალის" ექიმებთან გაემგზავრა კონსულტაციის გასავლელად.

Defensacentral.com