როგორც მოგეხსენებათ, 25 ოქტომბერს დიდი საფეხბურთო ზეიმი, "ელ კლასიკო გაიმართება". ამ მატჩში მონაწილეობის მიღება შეეძლება "ბარსელონაში" ახლად გადმოსულ ლუის სუარესს, რომელიც კატალონიურმა გუნდმა 94 მილიონ ევროდ შეიძინა.

ურუგვაელი ფეხბურთელი ფიფამ ოთხ თვიანი დისკვალიფიკაციით დასაჯა, რადგან მსოფლიოს 2014 წლის ჩემპიონატზე, 24 ივნისს, ურუგვაი-იტალიის მატჩზე ჯორჯო კიელინის მხარზე უკბინა. მაშინ ურუგვაელმა ფორვარდმა საჩივარი შეიტანა ფიფაში, თუმცა ხელმძღვანელობამ არ განიხილა ყოველივე ეს და სუარეsს დისკვალიფიკაციაც არ მოეხსნა. 25 ოქტომბერს "ელ კლასიკოა", ხოლო ლუის სუარეზის დისკვალიფიკაციას ვადა, წინა დღეს, 24 ოქტომბერს გადის. ეს კი იმას ნიშნავს, რომ ურუგვაელი ფორვარდი, რომლითაც ადრე "რეალიც" ინტერესდებოდა, სამეფო კლუბის წინააღმდეგ თამაშს შეძლებს.

ჯერ-ჯერობით, ლუის სუარეsმა "ბარსელონას" რიგებში მხოლოდ ერთი მატჩში მიიღო მონაწილეობა, სადაც "ბარსა" ამხანაგურ შეხვედრაში "ლეონს" ეთამაშებოდა. ურუგვაელი ფორვარდი შეცვლაზე შემოვიდა და მოედანზე რამოდენიმე წუთი დაჰყო..

ინფორმაციის წყარო: Goal.com