მადრიდის "რეალის" სპორტული დირექტორი მიგელ პარდესა ესაუბრა "Marca"-ს, სადაც მან კლუბის ამჟამინდელ მდგომარეობასა და მომავალ გეგმებზე ისაუბრა.

პეპეს ტრავმა–"ეს ძალიან დიდი დარტყმაა თვითონ პეპესთვისაც და კლუბისთვისაც. ის არის დაცვის ბურჯი, შესანიშნავი ფეხბურთელი და კარგი მეგობარი. უკანა ხაზის ლიდერი დავკარგეთ, ამიტომ მისი ღირსეულად შემცვლელის მოძებნა მოგვიწევს."

"რამოდენიმე ფეხბურთელის ვარიანტი გვაქვს პეპეს პოზიციაზე. მაგალითად ეზეიკელ გარაი, ის დიდებულ ფორმაშია და პორტუგალიელს ღირსეულად შეცვლის. ასევე გვყავს მეტსელდერი, რომელიც სულ მალე მოიშუშებს ტრავმას. თადარიგშია სერხიო რამოსი, მას ნებისმიერ პოზიციაზე შეუძლია თამაში. გუნდშია არბელოა, რომელსაც შეუძლია დაცვის ცენტრში თამაში. ასე რომ არც ისეთი დიდი პრობლემა არ არის მის გარეშე თამაში."

ზამთრის მოახლოება–"კლუბისთვის კარგი იქნება ზამთრის შესვენება. ბევრი მოთამაშე გვყავს დაშავებული, მათ კი გამოჯანმრთელება სჭირდებათ... ძალიან გვინდა რომ სეზონის შეუალედი კარგი განწყობით დავასრულოთ და ბოლო მატჩი დამაჯერებლად მოვიგოთ."

კლუბის მდგომარეობა–"მინდა ყველას ვუთხრა რომ გუნდში დიდებული სიტუაციაა. ყველა ფეხბურთელი ერთმანეთთან მეგობრობს. ყველა ერთ მუშტად არის შეკრული."

სიახლეები–ჯერ ჯერობით გუნდის თამაშით კმაყოფილები ვართ. მადრიდისტები შესანიშნავ ფიზიკურ კონდიციაში არიან. ძალიან ბედნიერები ვართ ბენზემას ასეთი კარგი თამაშით. "მესტალიაზე" ყველამ კარგად დაინახა კარიმის პოტენციალი, ის ხომ კაკას და რონალდოს გარეშე დარჩენილ გუნდს ლიდერის რანგში მოევლინა და გამარჯვებაში ლომის წილი დაიდო... მან და იგუაინმა უდიდესი სამუშაო შეასრულეს. ძალიან კმაყოფილი ვარ "ვალენსიაში" დაფიქსირებული შედეგითაც და თამაშის ხარისხითაც."

იგუაინი–"მე მისი ყოველთვის მჯეროდა. მისი გადმოსვლის პირველივე დღიდან დარწმუნებული ვიყავი მის ტალანტში. ჩემთვის სიურპრიზი ნამდვილად არ ყოფილა პიპიტას გაბრწყინება "მესტალიაზე", რადგან იგი საკუთარ პოტენციალში დღითი დღე გვარწმუნებს."

რაული–"ელ კაპიტანოზე კომენტარი ზედმეტია. ის გუნდის ნამდვილი სიმბოლო, გული და სულია. დღეს დღეობით რაული სამეფო კლუბის მოქმედი ლეგენდა და სახეა."

"სარაგოსასთან" მატჩი–"ეს მატჩი ჩემთვის სპეციფიურ ხასიათს ატარებს. მე საფეხბურთო კარიერა სწორედ "სარაგოსაში" დავიწყე 14 წლის ასაკში. ჩემი კარიერის ერთ–ერთი დასამახსოვრებელი წლები გავატარე ამ კლუბში. დიდი იმედი მაქვს რომ დამაჯერებლად დავამარცხებთ ჩვენს მომავალ მეტოქეს, წესით მათთან გამარჯვება არ უნდა გაგვიჭირდეს, მაგრამ მოვლენებს წინ ნუ გავუსწრებთ..."


ინფორმაციის წყარო: Realmadrid.Com

ავტორი: KEvlishA