ვილიამ ვეკი მადრიდის "რეალის" მეკარეებს ავარჯიშებს. იტალიელი სპეციალისტი ესპანეთისა და მაკედონიის ეროვნული ნაკრებებების შეხვედრის შემდეგ აღფრთვანებას ვერ მალავს...

სამწვრთნელო შტაბის ყველა წევრმა ვისენტე დელ ბოსკეს გუნდის თამაშს თვალი ადევნა, სადაც იკერ კასილასმა ბრწყინვალე "სეივები" განახორციელა, ესპანელმა გოლკიპერმა მაკედონიელი შემტევის არაერთი სახიფათო დარტყმა მოიგერია.

ვილიამ ვეკიზე 32 წლის კარის დარაჯის თამაშმა ძალიან დიდი შთაბეჭდილება მოახდინა, იტალიელის აზრით მეკარე ძალიან ეფექტური იყო და მოწოდების სიმაღლეზე იდგა.

მართალია "ფურია როხამ" 5-1 იმარჯვა, თუმცა რომ არა ლეგენდარული კაპიტანის იდეალური თამაში ტაბლოზე შესაძლოა გაცილებით სხვა ანგარიში დაფიქსირებულიყო.

კასილასის ბრწყინვალე თამაში დიდ გარდატეხას შეიტანს როგორც მის ფსიქოლოგიურ მდგომარეობაში, ასევე მწვრთნელთა არჩევანშიც, რომელთაც ჯერ-ჯერობით კიდევ ვერ გაუგიათ ვის ენდონ, ნავასს თუ კაპიტანს, თუმცა როგორც ჩანს წლევანდელი სეზონი ესპანელი ლეგენდის იქნება.