გასულ სეზონში კარიმ ბენზემა ძირითადი შემადგენლობის ფეხბურთელი იყო, რადგან მას კონკურენტი თითქმის არ ჰყავდა. ახლა კი ვალდებებასზე გამოჩნდა ჩიჩარიტო, რომელიც თავდაუზოგავად ირჯება და თავისი შესაძლებლობების დემონსტრირებას ცდილობს.

როდესაც ბენზემა სანაკრებო ბატალიებისთვის ემზადებოდა, ჩიჩარიტო ადაპტაციას გადიოდა სამეფო კლუბის საწვრთნელ ბაზაზე. მას აქვს იმის ამბიცია, რომ ფრანგი ფორვარდი სასტარტო შემადგენლობიდან ამოაგდოს და ცენტრალური თავდამსხმელის ადგილი თავად დაიკავოს.

მას შემდეგ, რაც ბლანკოსის შემადგენლობა გონსალო იგუაინმა დატოვა და "ნაპოლიში" გადავიდა, ხელმძღვანელობამ გადაწყვიტა, რომ "რეალში" მეტი თავდამსხმელი არ მოეყვანა, რადგან ბენზემა საქმეს თავს იოლად გაართმევდა. თუმცა როგორც ჩანს ეს მოსაზრება მცდარი აღმოჩნდა.

ჩიჩარიტოს მადრიდის "რეალში" გადმოსვლამ კითხვის ნიშნის ქვეშ დააყენა ბენზემას სიტუაცია. დიდია ალბათობა იმისა, რომ კარლო ანჩელოტი კარიმის გარჯით უკმაყოფილო იყოს და შესაძლებელია მიმდინარე სეზონში BBC-ს (ბენზემა, ბეილი და კრიშტიანო) შემტევი ტრიო შეიცვალოს.

Marca.com