დღეს, ადგილობრივი დროით 12:00 სთ-ზე ფლორენტინო პერესი "სანტიაგო ბერნაბეუს" დარბაზში ჟურნალისტებს და მედიის წარმომადგენლებს კლუბის 2013/14 წლების ანგარიშს წარუდგენს

ფლორენტინო პერესი დღეს ისაუბრებს იმ ციფრებზე, რომლებიც უნდა დამტკიცდეს 2014 წლის 21 სექტემბერს გასამართ გენერალურ ასამბლეაზე. საერთოდ ასამბლეამდე ერთი კვირით ადრე ფლორენტინო პარტნიორებსა და კლუბის წევრებს ხვდება, რათა მათთან ერთად გაიაროს კლუბის წლის მაჩვენებლები (შემოსავლები, ხარჯები, მოგება, ბიუჯეტი), რომლებიც უნდა დამტკიცდეს ასამბლეის სხდომაზე. წელს , როგორც ხედავთ, ფლორენტინო უშვებს გამონაკლისს და პირველად აღნიშნულ ციფრებთან დაკავშირებით შეხვედრას ჟურნალისტებთან გამართავს, ხოლო შემდეგ შეხვდება კლუბის წევრებსა და პარტნიორებს.

აღნიშნულის შესახებ იტყობინება ასევე "მადრიდის რეალის" ოფიციალური ვებ-გვერდი.

წყარო: Marca, AS , Realmadrid.com