ვისენტე დელ ბოსკეს გუნდი წარუმატებელ სერიას განაგრძობს. ამჯერად ევროპის ჩემპიონებმა დიდიე დეშამის საფრანგეთის ნაკრებთან წააგეს მინიმალური ანგარიშით 0-1.

გოლის ავტორი ფრანგი ნახევარმცველი, რემი გახლდათ, რომელმაც დავიდ დე ხეას კარის აღება 73-ე წუთზე მოახერხა.

აღსანიშნავია, რომ სერხიო რამოსმა და დანიელ კარვახალმა საქმეში 90 წუთი გაატარეს, ისკო ალარკონი კი მატჩის მეორე ტაიმის 76-ე წუთზე ჩაერთო, რომელმაც სანტი კასორლა ჩაანაცვლა.

ყველასთვის გასაკვირად, ვისენტე დელ ბოსკემ კაპიტანი, იკერ კასილასი სათადარიგოთა სკამზე დასვა და მის ნაცვლად კარი დავიდ დე ხეას ანდო.

ასევე აღსანიშნავია რაფაელ ვარანისა და კარიმ ბენზემას თამაში, რომლებმაც ასევე 90 წუთი გაატარეს საქმეში, ფორვარდმა მეორე ტაიმის დასაწყისში ძალიან სახიფათო სიტუაციაში მიიღო ბურთი და კარისკენ გადაგზავნა, თუმცა არბიტრმა სადაო თამაშგარე მდგომარეობა დააფიქსირა.