2013 წლის 2 სექტემბერს, მადრიდის "რეალის" პრეზიდენტმა, ფლორენტინო პერესმა უელსელი ვარსკვლავი, გარეთ ბეილი წარუდგინა სამეფო კლუბის გულშემატკივრებს...

ინგლისურ "ტოტენჰემთნა" ხანგრძლივი და მრავალეტაპიანი მოლაპარაკებების შემდეგ შეთანხმება შედგა და უელსელმა ესპანეთის დედაქალაქისკენ აიღო გეზი.

მას შემდეგ ერთი წელი გავიდა, გარეთი კი კლუბის შეუცვლელი წევრია, ის გუნდში ძალიან დიდ როლს თამაშობს და თანაგუნდელებს წარმატების მიღწევაში ეხმარება.

უელსელმა ერთ წელიწადში 49 თამაშის ჩატარება მოასწრო. რომ არა რამდენჯერმე იძულებით უქმობა (ტრავმების გამო), იგი გაცილებით მეტჯერ წარდგებოდა მადრიდელი გულშემატკივრების წინაშე.

ამ ხნის მანძილზე უელსელმა შემტევმა 23-ჯერ მოახერხე მეტოქის გუნდის კარის აღება, მისი სადებიუტო გოლი ელ მადრიგალზე, "ვილიარეალის" წინააღმდეგ გამოცხვა.

გარეთის ანგარიში ასევე 12 საგოლე გადაცემა გახლავთ. 1 წელიწადში ბეილმა 3 ტიტული მოიგო, თანაც მათ შორის არის ჩემპიონთა ლიგა, რომლის ფინალში გოლის გატანა მოახერხა, ასევე არავის დაავიწყდება სამეფო თასზე ბრწყინვალე სოლო-რეიდი, რომელიც მან "ბარსელონასთან" მოაწყო და ბარტრას ნამდვილი საფეხბურთო გაკვეთილი ჩაუტარა. ბოლო ტიტული კი მის მშობლიურ კარდიფში აღმართა სევილიას წინააღმდეგ.

ბეილისთვის გატანილი გოლების მხრივ ყველაზე გამორჩეული მატჩი "ვალიადოლიდთან" იყო, სადაც მან ჰეთ-თრიკის შესრულება მოახერხა.