ესტებან გრანერო, რომელიც წლების მანძილზე იცავდა მადრიდის "რეალის" ღირსებას ჟურნალისტებს შეხვდა და მომდევნო დაპირისპირებაზე ისაუბრა, რომელიც სოსიედადსა და კარლო ანჩელოტის კოლექტივს შორის გაიმართება...

"დიდი ტრავმა მივიღეთ კრასნოდარელებთან წარუმატებლობის გამო, მაგრამ გონს მაშინვე მოვეგეთ. "რეალთან" დაპირისპირებისთვის სათანადოდ მომზადება ვერ მოვახერხეთ, რადგან დრო არ გვქონდა, თუმცა დარწმუნებული ვარ "ანოეტაზე" ერთი ადამიანის ადგილიც არ დარჩება ცარიელი, ამ კლუბში შესანიშნავი გულშემატკივრობა იციან."

"ყველამ კარგად იცის თუ რა დამოკიდებულება მაქვს მადრიდის "რეალის" მიმართ. ეს კლუბი ჩემი სახლია და ყოველთვის "თეთრი" ვიქნები, თუმცა ამ ეტაპზე მე დედაქალაქელთა წინააღმდეგ მომიწევს თამაში. "სოსიედადის" წარმატებისთვის ყველაფერს გავაკეთებთ."

"რეალის სუსტი და ძლიერი მხარეები ყველამ კარგად იცის, ამიტომ მაქსიმალურად უნდა დავიხარჯოთ."

"დედაქალაქში უამრავი მეგობარი მყავს, "ბლანკოსი" ჩემთვის ძალიან ბევრს ნიშნავს."

"ანჩელოტიმ ბრწინვალე ფორმაციის "რეალი" ჩამოაყალიბა, ამ კლუბმა უკვე არაერთი ტიტული მოიგო და დარწმუნებული ვარ პროგრესირებას განაგრძობს. როგორც ჩანს ფლორენტინო პერესსა და იტალიელ სპეციალისტს დიდებული გეგმა აქვთ."

"ალონსოს წასვლის მოტივი ჩემთვის უცნობია. ერთადერთი იმის თქმა შემიძლია, რომ ბასკი ნახევარმცველი უმაღლესი რანგის მოთამაშეა."