კარვახალი : "იოლი მატჩი ნამდვილად არ იყო"
დანიელ კარვახალმა "კორდობასთან" გამარჯვების შემდეგ საპრესკონფერენციო ოთახისკენ აიღო გეზი , სადაც მატჩი გაანალიზა...
"კორდობამ ყოველგვარ მოლოდინს გადააჭარბა. დებიუტანტებმა დიდი მონდომებით ითამაშეს, ისინი განსაკუთრებით დაცვაზე ამახვილებდნენ ყურადღებას, რადგან იცოდნენ, რომ "რეალი" ბერნაბეუზე აუცილებლად შეტევით ფეხბურთს ითამაშებდა. თამაშით კმაყოფილი არ ვარ, გარკვეული ნიუანსები დასახვეწია, თუმცა შარშანდელი სტარტიც ასეთი იყო, შემდეგ კი ყველამ იხილა თუ რას მივაღწიეთ."
"საკუთარი ფორმით კმაყოფილი ვარ, პრე-სეზონზე მთავარი მწვრთნელი დიდ ყურადღებას მაქცევდა და მის მითითებებს მეც ვასრულებდი. იმედი მაქვს პროგრესს განვაგრძობ."
"გამიხარდა, რომ ბენზემამ გოლის გატანა მოახერხა, რადგან ყველა ფრანგის მშრალ სერიაზე საუბრუბდა, ეს ბურთი მას ფსიქოლოგიურად დაეხმარება."
"სოსიედადზე უნდა გადავერთოთ, რადგან ბასკები საშინაო კედლებში ყოველთვის სოლიდურად თამაშობენ, მათთვის მეტოქეს მნიშვნელობა არ აქვს, რადგან მატჩი "ანოეტაზე" გაიმართება, სადაც ძალიან აგრესიული გულშემატკივრები არიან."
"ანხელ დი მარიას წასვლის გამო ძალიან დამწყდა გული, მას მანჩესტერ "იუნაიტედში" წარმატებას ვუსურვებ. იმედი მაქვს არგენტინელის გარეშეც პროდუქტიულები ვიქნებით."
- 26 აგვისტო 2014
- 1 390
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
