რაულ გარსია : "რეალი ახლა უფრო სახიფათო იქნება"
მადრიდის "ატლეტიკოს" ფეხბურთელის, რაულ გარსიას განცხადებით, "ვისენტე კალდერონზე" მადრიდის "რეალი" უფრო სახიფათო იქნება, რადგან საშინაო კედლებში ანჩელოტის ბიჭებმა გამარჯვებას ვერ მიაღწიეს...
"დიდი ყურადღებით თამაში გვმართებს, რადგან კარლოს შეგირდები კიდევ უფრო დიდი კონცენტრაციით გამოვლენ მოედანზე. სანტიაგო ბერნაბეუზე "რეალს" დიდი უპირატესობა ჰქონდა, თუმცა ეს მხოლოდ ბურთის ფლობაში აისახებოდა, სხვა დანარჩენ ასპექტებში ჩვენ კარგად გამოვიყურებოდით."
"კრიშტიანო რონალდუს წინააღმდეგ ყოველთვის დიდი ყურადღების გამოჩენაა საჭირო. აუცილებელია დაცვამ მაქსიმალურად ზუსტად ითამაშოს, სხვა შემთხვევაში პორტუგალიელი ფეხბურთელი გოლის გატანას შეეცდება, მას შანსი არ უნდა მივცეთ."
"სიმეონემ არაერთხელ დაამტკიცა, რომ მადრიდის "რეალის" დამარცხება პრობლემას არ წარმოადგენს, მთავარია კვლავაც აგრესიულად და თავდადებით შევეჭიდოთ მოწინააღმდეგეს."
- 21 აგვისტო 2014
- 2 072
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
