მადრიდის "რეალის" მთავარმა მწვრთნელმა, კარლო ანჩელოტიმ პრეს-კომფერენცია გამართა.

"მადრიდის "ატლეტიკო" თამაშის სტილის გამოცვლას არ აპირებს. მათ სტუმრად გაიტანეს ერთი გოლი, რაც დიდი უპირატესობაა. ამიტომ ჩემი გუნდი ისევე ითამაშებს, როგორც ამას ბერნაბეუზე ვაკეთებდით. ვეცდებით პირველივე წუთებიდან ბურთი გავაკონტროლოთ და თამაშის სადავეები ხელთ ვიგდოთ."

"ყურადღება აუცილებლად უნდა გავამახვილოთ დაცვაში თამაშზე. წინა შეხვედრაში იყო მცირე შეცდომები, რომელიც უკვე განვიხილეთ და აღმოვფხვერით. "როხი-ბლანკო" ჩვენს წინააღმდეგ კონტრიერიშებზე ააგებს თამაშს. სწორედ ამიტომ დიდი დაკვირვება და ყურადღება გვმართებს."

სასტარტო შემადგენლობა

"ძირითადი თერთმეტეულის შეცვლას არ ვაპირებ. დაგეგიმილი მაქვს რამდენიმე ფეხბურთელისთვის პოზიციის შეცვლა. რაც შეეხება კრიშტიანო რონალდოს, მან დღეს გუნდთან ერთად ივარჯიშა და თავს კარგად გრძნობს. ვფიქრობ ხვალამდე იგი სრულ მზად-ყოფნაში იქნება. თუ რონი შეძლებს, აუცილებლად გამოვა მოედანზე პირველივე წუთებიდან."

სამი ცენტრალური ნახევარმცველი

"ამ სისტემას მთელი სეზონის განმავლობაში გამოვიყენებ და არ შევცვლი. ცენტრში სამი ფეხბურთელის განთავსება საშუალებას მაძლევს ავირჩიო შუა ნახევარმცველები სხვადასხვა შესაძლებლობებით. ამ პოზიციაზე საკმაოდ ბევრი მოთამაშე მყავს, რომელთაგან საუკეთესო სამეულს ავირჩევ."

"წინა მატჩში ხამესმა საკმაოდ კარგიშთაბეჭდილება დატოვა. მან ადაპტაცია გაიარა და თავისი შესაძლებლობები დაგვანახა. იგი უკვე მიეჩვია ჩვენი თამაშის სტილს და ვფიქრობ პრობლემა არ უნდა შეიქმნას თუ იგი "ატლეტიკოს" წინააღმდეგ პირველივე წუთებიდან გამოვა მწვანე მინდორზე."

კროოსი მრავალფეროვნება

"გუნდში ასეთი დონის მოთამაშის ყოლა ნამდვილი ფუფუნებაა. მას უამრავ პოზიციაზე შეუძლია უმაღლეს დონეზე თამაში, რაც საქმეს ნამდვილად გვიადვილებს."

დი მარიას მდგომარეობა

"სატრანსფერო ფანჯრის დახურვამდე ფეხბურთელები, რომლებიც ირიცხებიან მადრიდის "რეალში" სრული დატვირთვით ივარჯიშებენ და მინდორზეც გამოვლენ თუ სამწვრთნელო შტაბი ამას გადაწყვეტს. დი მარიამ გუნდის დატოვება გადაწყვიტა და მან უარყო სამეფო კლუბის ხელმძღვანელობის შემოთავაზება. ამ სიტუაციაში ყველაფერი თავად ფეხბურთელმა უნდა გადაწყვიტოს."

"საუბრობენ იმაზეც, რომ დი მარია ჩემს მოთხოვნებს არ აკმაყოფილებს და ამიტომ ვერ ხვდება იგი ძირითად შემადგენლობაში. მინდა განვაცხადო, რომ ეს სიცრუეა. ყველა ფეხბურთელი ვინც შემადგენლობაში მყავს კლუბისთვის უმნიშვნელოვანესია და ნებისმიერ მათგანს შეუძლია სასტარტოში მოხვედრა."

ხედირას შესაძლო ტრანსფერი

"მისი მდგომარეობა განსხვავებულია. მან კლუბის დატოვება მოისურვა, თუმცა კონტრაქტი სამეფო კლუბთან ხედირას კიდევ ერთი წლით აკავშირებს."

Realmadrid.com