ინგლისურ პრესაზე დაყრდნობით მანჩესტერ "იუნაიტედმა" ჩაბი ალონსოს დამატებით შესახებ გადაწყვეტილება მიიღო...

მას შემდეგ, რაც კარლო ანჩელოტის ნახევარდაცვის ცენტრში დიდი არჩევანი აქვს, ჩაბი ალონსოს შანსები მცირდება, პირველ რიგში იმიტომ, რომ ბასკი უკვე 32 წლის არის, ტონი კროოსი კი გაცილებით ახალგაზრდაა და ადაპტაციას უმოკლეს დროში გადის. გერმანელი ფეხბურთელი იდეალურად ერგება მადრიდულ ფილოსოფიას, ამიტომ სასტარტოს ფეხბურთელად სწორედ ოქროსმედალოსანს მიიჩნევენ.

მანჩესტერ "იუნაიტედის" ხელმძღვანელობა ინტენსიურ მოლაპარაკებებს აწარმოებდა ტურინის იუვენტუსთან, საქმე არტურო ვიდალს ეხებოდა, თუმცა მხარეები ფინანსურ დეტალებზე ვერ შეთანხმდნენ, ამიტომ მოლაპარაკებები ჩიხში შევიდა.

Fox Sport-ისა და Spanish Sport Daily-ს ინფორმაციით "წითლები" შესაძლოა სულ მალე ესპანეთის დედაქალაქში გაემგზავრონ და მოლაპარაკებების მაგიდას მიუსხდნენ.

შეთავაზების თანხობრივი მხარე ჯერ-ჯერობით უცნობია, თუმცა რამდენიმე დღის წინ გავრცელებული ინფორმაციის მიხედვით ბასკის ფასი 15-20 მილიონ ევრომდე მერყეობს.