მოგეხსენებათ, გუშინდელი დაპირისპირების პირველი ნახევრის შემდეგ, კრიშტიანო რონალდუმ კარლო ანჩელოტის მოედნიდან გაყვანა სთხოვა. თავის მხრივ არც იტალიელი სპეციალისტი წავიდა რისკზე და მის ნაცვლად თამაშში კოლუმბიელი ახალწვეული, ხამეს როდრიგესი ჩართო...

რონალდუმ მარცხენა ფეხზე კვლავ ტკივილები იგრძნო, ეს ტრავმა მას უკვე დიდი ხანია მოსვენების საშუალებას არ აძლევს.

კარლო ანჩელოტის მოთხოვნით დღეს ესპანეთის დედაქალაქში კონსილიუმი იქნა მოწვეული, სადაც ბერლინიდან მსოფლიოს ერთ-ერთი საუკეთესო ექიმიც გამოცხადდა.

მედიკოსები ეცნობიან რონის ირგვლივ განვითარებულ მოვლენებს და ეფექტური სამკურნალო კურსის ჩატარებას გეგმავენ, თუმცა მათი მთავარი მიზანი უმოკლეს დროში პორტუგალიელის ფეხზე დაყენება გახლავთ, რადგან სულ რაღაც 2 დღეში სამეფო კლუბმა უმნიშვნელოვანესი პაექრობა უნდა გამართოს "ატლეტიკოსთან".

კარლო ანჩელოტი რისკზე წასვლას არ გეგმავს, ის ბოლო წუთანდემ დაელოდება ექიმების დასკვნას. იმ შემთხვევაში თუ მედიცინის წარმომადგენელთა უმრავლესობა პორტუგალიელ ფეხბურთელს მოედანზე გასვლას არ ურჩევს, შვიდიანი განმეორებით დაპირისპირებაში მონაწილეობას ვერ მიიღებს, დადებითი პასუხის შემთხვევაში კი "რეალს" ლიდერი "კალდერონზეც" დაეხმარება.