ხოსე მარია გუტიერეს ერნანდესის განცხადებით, კარლო ანჩელოტი ძალიან ჭკვიანი მწვრთნელია და ის აუცილებლად ოპტიმალურ შემადგენლობას გამოიყვანს, რომელიც დიეგო სიმეონეს კლუბთან ბრძოლაში წარმატების მომტანი იქნება...

"ვგონებ, სამეფო კლუბმა იმ შემადგენლობით უნდა ითამაშოს, რომლითაც ჩემპიონთა ლიგის ფინალი მოიგო."

"ხამეს როდრიგესსა და ტონი კროოსს უდიდეს პატივს ვცემ და ვთვლი, რომ საკუთარ პოზიციაზე ერთ-ერთი საუკეთესონი არიან, თუმცა მათ ჯერ ადაპტაციის პერიოდი აქვთ და "ატლეტიკოსთან" სასტარტოში ასპარეზობა გარკვეულ რისკებს შეიცავს."

"მიხარია, რომ ჩაბი ალონსო ბრუნდება, ის კლუბს ძალიან დააკლდა "სევილიასთან" დაპირისპირებაში, თუმცა ქება და დიდება ტონი კროოსს, რომელმსაც მადრიდული კლუბის ყველა გულშემატკივარი აღფრთოვანებაში მოიყვანა, მან ბრწყინვალედ ჩაანაცვლა ბასკი ნახევარმცველი, რომელსაც დისკვალიფიკაცია ჰქონდა."

"ბეილსა და რონალდუზე ბევრი რამ იქნება დამოკიდებული, სწორედ ისინი უნდა იყვნენ ეფექტურნი, რაც ფლანგურ გარღვევებსა და გოლებს მოიტანს."