მიუხედავად იმისა, რომ სამი ხედირას მადრიდული მომავალი ბურუსით არის მოცული, კარლო ანჩელოტი გერმანელი ფეხბურთელის მონდომებითა და გარჯით ძალიან კმაყოფილია...

მსოფლიო ჩემპიონს აბარგებას უწინასწარმეტყველებენ, რადგან იტალიელ სპეციალისტს მის ადგილზე რამდენიმე უმაღლესი დონის ფეხბურთელი ჰყავს.

კარლო ანჩელოტის არ სურს, რომ სამი მუდმივად სათადარიგოთა სკამზე იჯდეს, სწორედ ამიტომ მან ფეხბურთელთან შეხვედრისას ყველაფერი ღიად თქვა და გარანტიების გაცემისგან თავი შეიკავა.

ყველაფრის მიუხედავად ხედირა თითოეულ ვარჯიშზე ბოლომდე იხარჯება და არაფერი ეტყობა იმის, რომ "ბლანკოსის" დატოვებას აპირებს.

გერმანელ ნახევარმცველს ჯერ-ჯერობით მოედანზე გასასვლელად არანაირი წინაპირობა არ აქვს, მისთვის ანჩელოტის არცერთი წუთი არ მიუცია, სავარაუდოდ იგივე სიტუაცია განმეორდება "ატლეტიკოსთან" ორ რაუნდიდან ბრძოლაში.

შეგახენებთ, იოჰამ ლიოვის შეგირდს ლონდონის "არსენალისგან" და "ჩელსისგან" აქვს შემოთავაზება. ეს წინადადებები ამ ეტაპზე აგენტის მიერ განიხილება.