ივან რაკიტიჩი, რომელიც კატალონიის "ბარსელონას" ახალწვეული გახლავთ, ინტერვიუში აცხადებს, რომ მადრიდის "რეალი" მომდევნო სეზონში ძალიან სახიფათო იქნება, თუმცა იგივეს თქმა შეიძლება "ბლაუგრანაზეც", აქედან გამომდინარე როგორც ესპანეთში, ასევე ევროპაში დიდი კონკურენცია იქნება...

"მადრიდის "რეალს" ძალიან დიდ პატივს ვცემ, რადგან ვთვლი, რომ ამ კლუბმა მსოფლიო ფეხბურთისთვის ძალიან ბევრი რამ გააკეთა."

"ანჩელოტის გუნდმა შარშან ჩემპიონთა ლიგა მოიგო და გულშემატკივრები ძალიან გაახარა, თუმცა ეს მათთვის არ კმარა, ფლორენტინო პერესმა კიდევ გააკეთა შენაძენები, ისინი ძალიან სახიფათონი იქნებიან, მაგრამ გადახედეთ "ბარსელონას" შემადგენლობას. ჩვენ კლუბში მსოფლიოს საუკეთესო ფეხბურთელი გვყავს ლიონელ მესის სახით, ასევე დავიმატეთ ლუის სუარესი, არავის უნდა დაავიწყდეს ანდრეს ინიესტა, რომელიც საკუთარ პოზიციაზე საუკეთესო მოთამაშე გახლავთ."

"მინდა ვიყო გაცილებით უკეთესი, ვიდრე ანდალუსიურ "სევილიაში" ვიყავი."

"მომდევნო სეზონში როგორც ლა ლიგაში, ასევე ევროპის ყველაზე პრესტიჟულ ტურნირზე დიდი კონკურენცია იქნება. პრიმერაში "ატლეტიკო", "ბარსელონა" და "რეალი" კიდევ უფრო დიდი ძალებით იბრძოლებენ, ჩემპიონთა ლიგაზე კი თითოეული გუნდი მაქსიმუმს აკეთებს."