მოგეხსენებათ, 28 აგვისტოს, „უეფა,“ განვლილი სეზონის საუკეთესო ფეხბურთელს დაასახელებს.

პლატინის მიერ დაწესებული ჯილდოსთვის, რომელიც სხვადასხვა სეზონებში ინიესტამ, მესიმ და რიბერ მოიგეს, ამჯერად, რონალდუ, რობენი და ნოიერი იბრძოლებენ.

Marca-ს მიერ ჩატარებული გამოკითხვის მიხედვით, ქომაგების უმრავლესობა პორტუგალიელ გოლეადორს ანიჭებს უპირატესობას.დაახლოებით 100 ათასი გამოკითხულიდან, 74.3% რონალდუს უწინასწარმეტყველებს პირველ ადგილს, 14.4% გერმანელ კიპერს, ხოლო 11.3% ჰოლანდიელ შემტევს.

შეგახსენებთ, რომ ჩ/ლიგის განვლილ გათამაშებაზე, კრიშტიანუმ 17 გოლი ჩაიწერა აქტივში.

MARCA