სერხიო რამოსის განცხადებით, მისმა გუნდმა ყველას დაანახა, რომ მომდევნო სეზონში ძალიან ძლიერი კლუბი იქნება და ნებისმიერ თამაშში ფავორიტის სტატუსს მიიღებს...

"დიდებულად ვითამაშეთ, თითოეულმა ფეხბურთელმა დაკისრებულ მოვალეობას ბრწყინვალედ გაართვა თავი, რამაც შესანიშნავი შედეგი გამოიღო."

"სევილიელები ყოველთვის უშეღავათოდ იბრძვიან, მათი დამარცხება დიდ სირთულეებთან არის დაკავშირებული. "რეალმა" სეზონის პირველი ტიტული მოიგო, სასიამოვნო სტარტი გვაქვს და დარწმუნებული ვარ ოქროს მედლების მოპოვებას გავაგრძლებთ."

"ურთულეს ვარჯიშებს ვასრულებდით იმისათვის, რომ კარდიფის შეხვედრას სათანადო ფორმაში შევხვედრილიყავთ. ჩვენი შანსი თავისთავად მეტი იყო, მაგრამ წარმატების მისაღწევად დიდი შრომა დაგვჭირდა."

"სამეფო კლუბის ფეხბურთელები არასდროს იშურებენ ძალისხმევას, მათი მიზანი ყოველთვის პირველობაა."

"კოლექტივს უმაღლესი დონის მოთამაშეები შემოუერთდნენ, რომლებიც ადაპტაციას გადიან, თუმცა დარწმუნებული ვარ სულ მალე იგრძნობენ თუ რა არის მადრიდისტობა."