ასიერ ილარამენდის მომავალი 12 აგვისტოს გადაწყდება. ბასკი ფეხბურთელი იმედოვნებს, რომ ხაბი ალონსოს ნაცვლად სუპერ თასის ფინალში ასპარეზობის შანსს მიიღებს.

წინა სასეზონო მზადების დროს ასიერმა ყველა ამხანაგურ შეხვედრაში მიიღო მონაწიელობა. განსაკუთრებით დიდი დრო გაატარა მოედანზე, "რომას", "ინტერის" და "მანჩესტერ იუნაიტედის" წინააღმდეგ მატჩებში. თამამად შეიძლება ითქვას, რომ ილარა საკმაოდ დამაჯერებელი იყო აღნიშნულ პაექრობებში.

მრავალი გულშემატკივარი ფიქრობდა, რომ ბასკი ფეხბურთელი ლისაბონის ფინალში ითამაშებდა, თუმცა მატჩამდე რამდენიმე დღით ადრე გაირკვა, რომ "ატლეტიკოს" წინააღმდეგ ნახევარდაცვის ცენტრს მოდრიჩი-ხედირას დუეტი დაიკავებდა. ეს ყველაფერი კი იმაზე მიუთითებს, რომ კარლო ანჩელოტი ილარამენდის არ ენდობა.

თუმცა ილარას აზრით, იგი აუცილებლად ითამაშებს 12 აგვისტოს "სევილიას" წინააღმდეგ და ეს იქნება მისი შანსი. ბასკი ფეხბურთელი ვალდებულია თავისი შესაძლებლობებით დაუმტკიცოს კარლო ანჩელოტის, რომ იგი იმსახურებს სამეფო კლუბში დარჩენას და თამაშს.

Defensacentral.com