მორო : "რეალზე დიდი ზეწოლა იქნება"
ფერნანდო მორიენტესის განცხადებით, კარდიფის ფინალში სამეფო კლუბზე უდიდესი ზეწოლა იქნება, რადგან კარლოს გუნდმა ჩემპიონთა ლიგა მოიგო...
"ალბათ ეჭვი არავის ეპარება იმაში, რომ სამეფო კლუბს თასის აღმართვის მეტი შანსი აქვს, თუმცა არ მინდა საქებარი სიტყვები დავიშურო უნაი ემერის კლუბის მისამართით. ანდალუსიელებმა მართლაც შთამბეჭდავი სეზონი ჩაატარეს და დამსახურებულად გახდნენ ევროპის ლიგის ოქროსმედალოსნები."
"შრომა არასდროს იკარგება, "სევილიამ" ყველაფერი გააკეთა წარმატების მისაღწევად და შედეგს სახეზე ვხედავთ, ისინი სუპერ თასის ფინალში იასპარეზებენ."
"მეტი ზეწოლა თავისთავად "რეალზე" იქნება, რადგან მადრიდელებმა ჩემპიონთა ლიგის მეათე თასის აღმართვა მოახერხეს, მაგრამ დარწმუნებული ვარ პროფესიონალიზმი თავისას იზამს და ფეხბურთელები ყველანაირად შეეცდებიან კონცენტრაციის მატჩზე გადასატანად."
"სამეფო კლუბში თამაშის ბედნიერება ვისაც გამოუცდია ყველა დამეთანხმება, რომ თეთრი მაისურით ტიტულის აღმართვას სულ სხვა ემოციები მოაქვს, რადგან ამ კლუბს ყოველთვის ბევრი მტერი ჰყავს, მათზე გამარჯვება კი მეტ რწმენას გძენს."
- 10 აგვისტო 2014
- 1 922
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
