ქარიმ ბენზემას "რეალში" გადასვლის დღიდან ბევრი აკრიტიკებდა. ფრანგი ჯერ კიდევ 21 წლისაა და უკვე ერთ–ერთი საუკეთესო ფორვარდია მსოფლიოში. კრიტიკოსებს მან "მესტალიაზე" დიდებული თამაშით უპასუხა.

შაბათს ერთმანეთს დაუპირისპირდნენ ორი საუკეთესო ფორვარდი: დავიდ ვილია და ქარიმ ბენზემა. ზაფხულში შესაძლო იყო ვილია "რეალში" აღმოჩენილიყო, მაგრამ ტრანსფერი ბოლო მომენტში ჩაიშალა. გუნდებმა თანხაზე ვერ მოილაპარაკეს. თუმცა არც ბენზემაა ვილიაზე ნაკლები.

სპექტაკლი "მესტალიაზე"

ფრანგი ფორვარდი "რეალში" მძიმე დროებას განიცდიდა. მას ცამეტ შეხვედრაში მხოლოდ ოთხი გოლი აქვს გატანილი. ის ისე კარგად ვერ თამაშობს, როგორც ამას "ლიონში" აკეთებდა. თუმცა შაბათს ქარიმმა ყველას აჩვენა, რომ ნელ–ნელა უმატებს და მალე გუნდის ერთ–ერთი ლიდერიც გახდება. "ვალენსიას" მცველებს ის მუდამ დაძაბულობაში ამყოფებდა და შეტევას შეტევაზე ქმნიდა. სწორედ მისი წყალობით გაიტანა იგუაინმა პირველი გოლი.

ასე, რომ შაბათის მატჩის გმირი ბენზემა იყო. ის ვალენსიაში ჩავიდა წნეხის ქვეშ, მაგრამ კრიტიკოსებს აჩვენა, რომ საუკეთესოა. ნამდვილ ბენზემას ახალი წლის შემდეგ ვნახავთ.


ინფორმაციის წყარო: Defensacentral.com