"სევილიას" მთავარი მწვრთნელი, უნაი ემერი დარწმუნებულია, რომ ევროპის სუპერ თასის ფინალში მადრიდის "რეალის" დამარცხებას შეძლებს.

ვინ არის ევროპის სუპერ თასის ფინალის ფავორიტი?

"რა თქმა უნდა, ფავორიტი მადრიდის "რეალია" მათ ჰყავთ დიდებული შემადგენლობა. მადრიდელი ფეხბურთელები ფიზიკურად ძალიან ძლიერი და უმაღლესი დონის მოთამაშენი არიან. გასულ სეზონში მათ არაერთი დიდებული მატჩი ჩაატარეს და ვფიქრობ წელსაც ასე იქნება. თუმცა ჩემი გუნდი არაფრის დათმობას არ აპირებს. ამ შეხვედრაში თვენ იხილავთ თავდაუზოგავ ბრძოლას და ვეცდებით "სევილიას" გულშემატკივარი გავახაროთ."

სამეფო კლუბის დამარცხების გეგმა...

"გამომდინარე იქიდან, რომ დასვენების შემდეგ ფეხბურთელები 100%-ით ფორმაში არ არიან, შეხვედრაში შეიძლება იყოს რამდენიმე შეცდომა, რომელიც აუცილებლად უნდა გამოვიყენოთ. ვეცდებით თეთრების თამაშს ავყვეთ და შეტევას შეტევითვე ვუპასუხოთ. ბოლომდე უნდა ვიბრძოლოთ და მომენტები მაქსიმალურად უნდა გამოვიყენოთ. მხოლოდ ასე შევძლებთ სამეფო კლუბის დამარცხებას."

Defensacentral.com