ანჩელოტის ფეხბურთელების გასაოცარი რესურსი აქვს.

მადრიდის "რეალის" შემადგენლობაში ამჟამად ირიცხება 23 უმაღლესი დონის მოთამაშე. ესპანური პრესა ირწმუნება, რომ ძირითადი შემადგენლობის გოლკიპერი, კლუბის ახალწვეული, კეილორ ნავასი იქნება. დაცვაში კი კარვახალი, პეპე, რამოსი და მარსელო ითამაშებენ. თუმცა ზოგი თვლის, რომ ბრაზილიელ განაპირე მცველს ხშირად შეცვლის ფაბიო კოენტრაო.

რაც შეეხება ნახევარდაცვას, უკან დაწეული იქნება ლუკა მოდრიჩი, რომელმაც გასულ სეზონში დაამტკიცა, რომ მსოფლიოში ერთ-ერთი საუკეთესო იქნება. შეტევების წამოწყებაში ხორვატ ნახევარმცველს დაეხმარება გერმანელი ტონი კროოსი. ხოლო გამთამაშებლის პოზიციას უნიჭიერესი კოლუმბიელი და მსოფლიო ჩემპიონატის ოქროს ბუცის მფლობელი, ხამეს როდრიგესი დაიკავებს.

შეტევებს კი წინა სეზონის მსგავსად, ტრადიციულად BBC დაასრულებს. კრიშტიანო რონალდომ ტრავმა მოიშუშა და აგრძელებს მომდევნო სეზონისთვის მზადებას. კარიმ ბენზემაც უკვე შეუერთდა გუნს და თავდაუზოგავად ირჯება. ხოლო გარეთ ბეილმა კი ყველას დაუმტკიცა, რომ საუკეთესო ფორმაშია.

Defensacentra.com